બારડોલીના પ્રાંત અધિકારી જીજ્ઞા પરમારને ખાનગી રાહે મળેલી બાતમીના આધારે સર્કલ ઓફિસરે બાબેન ખાતેથી ત્રણ અને મોતા ગામથી એક મળી કુલ ચાર માટીની ટ્રક ઝડપી હતી.
આ ટ્રકમાં રોયલ્ટી પાસ વગર માટીની હેરાફેરી કરવામાં આવી રહી હતી. ટ્રકના ચાલકો નિતેશ ગુલાબ ગામીત, અજિત રૂવાજી ગામિત, ચંદ્રકાંત નારાયણ ગામિત અને મહેશ બાબુભાઈ હળપતિની પૂછપરછ કરતાં આ માટી મહુવા તાલુકામાં ધોળીકૂઈના તળાવમાંથી ભરીને સેવણી ખાતે ચાલી રહેલ એક્સ્પ્રેસ વેની કામગીરી માટે લઈ જવામાં આવી રહી હોવાનું જાણવા મળ્યું છે.
