મણિપુર કાંડની ઘટનાનો ઝીરો FIR 21 જૂને કાંગપોકપી જિલ્લાના સૈકુલ પોલીસ સ્ટેશનમાં નોંધવામાં આવી હતી. બાદમાં તેને થોબલ જિલ્લાના નોંગપોક સેકમાઈ પોલીસ સ્ટેશનમાં ટ્રાન્સફર કરવામાં આવી હતી.
મણિપુરમાં 4 મેના રોજ એવું તો શું થયું? જેને આખા દેશને હચમચાવી નાખ્યો?
પહાડી રાજ્ય મણિપુર છેલ્લા કેટલાક સમયથી વંશીય હિંસાની ઝપેટમાં છે, પરંતુ હવે એક વીડિયો સામે આવ્યો છે. જેમાં મહિલાઓની નગ્ન રસ્તાઓ ઉપર દોડવામાં આવી રહી છે. આ ઘટના મણિપુર રાજ્યની રાજધાની ઇમ્ફાલથી લગભગ 35 કિમી દૂર કાંગપોકપી જિલ્લાના ગામ બીમાં બની હતી. અને આ ફેનોમમાં સમગ્ર ઘટના બની હતી. ગામના વડાએ નોંધાવેલી ફરિયાદ મુજબ, 4 મેના રોજ બપોરે 3 વાગ્યાની આસપાસ વિવિધ સંસ્થાઓ સાથે જોડાયેલા 900-1000 લોકો બી. ફેનોમ બળપૂર્વક ગામમાં પ્રવેશ્યા હતા. તેમની પાસે એકે રાઇફલ્સ, એસએલઆર ઇન્સાસ અને 303 રાઇફલ્સ જેવા અત્યાધુનિક શસ્ત્રો હતા. હિંસક ટોળાએ તમામ ઘરોમાં તોડફોડ કરી ફર્નિચર, ઈલેક્ટ્રોનિક ચીજવસ્તુઓ, વાસણો, કપડાં, અનાજ અને રોકડની લૂંટ કર્યા બાદ તમામ જંગમ મિલકતોને આગ ચાંપી દીધી હતી.
પાંચ ગ્રામજનોને પોલીસના હાથે રોડ બ્લોક કરીને બચાવી લેવામાં આવ્યા હતા, ઉપરાંત પાંચ ગ્રામજનો પોતાનો જીવ બચાવીને ભાગી ગયા હતા.ત્યારબાદ જંગલમાં ભાગ્યા અને બાદમાં નોનપાક સેકમાઈ પોલીસ ટીમ દ્વારા તેઓને બચાવી લેવામાં આવ્યા હતા અને તેઓ નોંગપોહ સેકમાઈ પોલીસ સ્ટેશનના રસ્તે હતા તે દરમિયાન, તેઓને રસ્તામાં એક ટોળાએ અટકાવ્યા હતા અને નોંગપોક સેકમાઈ પોલીસ સ્ટેશનથી લગભગ બે કિલોમીટર અને 33 એઆર સોમરેઈ ચોકીથી લગભગ ત્રણ કિલોમીટર દૂર પોલીસ ટીમની સુરક્ષાથી તેઓને છીનવી લીધા હતા. અને બધી બાબતોમાં એક 56 વર્ષીય વ્યક્તિનું ઘટનાસ્થળે જ મોત થયું હતું.
સાથે સાથે આ મહિલાને બચાવવા આવેલા ભાઈનું પણ મોત થયું હતું. ગામના પ્રધાને જણાવ્યું હતું કે, આ દરમિયાન ત્રણ મહિલાઓને ટોળાએ તેમનાં કપડાં ઉતારી દેવાની ફરજ પાડી હતી. અને તેઓને ટોળાની સામે નગ્ન કરવામાં આવ્યા હતા. ઘટના સાથે જોડાયેલા વીડિયોમાં સ્પષ્ટપણે જોઈ શકાય છે કે પુરુષો સતત લાચાર મહિલાઓની છેડતી કરી રહ્યા હતા. જે રડતી-રડતી તેમને ત્યાંથી જવા માટે વિનંતી કરી રહી છે. ક્રૂરતા અહીં અટકી નહોતી. પણ 21 વર્ષની છોકરી પર દિવસે દિવસે ક્રૂરતાપૂર્વક સામૂહિક બળાત્કાર કરવામાં આવ્યો હતો. જ્યારે 19 વર્ષના નાના ભાઈએ તેની બહેનની ઈજ્જત અને જીવ બચાવવાનો પ્રયાસ કર્યો ત્યારે ટોળા દ્વારા તેને ઢોર માર મરાયો જેથી તેનું ઘટનાસ્થળે જ મોત નિપજ્યું હતું. જો કે પીડિતા કેટલાક લોકોની મદદથી સ્થળ પરથી નાસી જવામાં સફળ રહી હતી.
આ સમગ્ર કાંડમાં આરોપીઓ પર કઈ કલમો હેઠળ ગુનો નોંધવામાં આવ્યો હતો?
આ સમગ્ર કાંડ એક મહિનાથી વધુ સમય લાગ્યો છે. અને આખરે 21મી જૂને FIR નોંધવામાં આવી હતી. આઈપીસી કલમ 153A, 398, 427, 436, 448, 302, 354, 364, 326, 376 અને 34 અને આર્મ્સ એક્ટની કલમ 25 (1C) હેઠળ કેસ નોંધવામાં આવ્યો હતો. પોલીસ દ્વારા નોંધવામાં આવેલી આ એફઆઈઆરમાં ભીડમાં સામેલ લગભગ 1000 લોકો પર અનેક આરોપો લગાવવામાં આવ્યા છે. આમાં વિવિધ જૂથો વચ્ચે દુશ્મનાવટને પ્રોત્સાહન આપવું, ઘાતક હથિયાર વડે લૂંટ, આગચંપી, ઘર-ઘર, હત્યા માટે અપહરણ, ગંભીર ઇજા પહોંચાડવી, દુષ્કર્મ હુમલો, ગંભીર ઇજા પહોંચાડવી અને હથિયારનો ઉપયોગ કરવાના ઇરાદાથી હત્યાનો સમાવેશ થાય છે.
અત્યાર સુધીમાં આ મામલે શું કાર્યવાહી થઈ છે?
કાંગપોકપી જિલ્લાના સૈકુલ પોલીસ સ્ટેશનમાં આ ઘટના અંગે ઝીરો એફઆઈઆર નોંધવામાં આવી હતી. બાદમાં તેને થોબલ જિલ્લાના નોંગપોક સેકમાઈ પોલીસ સ્ટેશનમાં ટ્રાન્સફર કરવામાં આવી છે. કેસ નોંધાયાના લગભગ એક મહિના પછી, મુખ્ય પ્રધાન એન બિરેન સિંહે ગુરુવારે જણાવ્યું હતું કે, વીડિયો સામે આવ્યા પછી તરત જ રાજ્ય સરકારે આ વીડિયોની સ્વતઃ સંજ્ઞાન લીધું હતું. તપાસનો આદેશ આપ્યો હતો. તેમણે કહ્યું કે મણિપુર પોલીસે કાર્યવાહી કરીને આજે પ્રથમ ધરપકડ કરી હતી.
હવે શું થશે?
મુખ્યમંત્રીની વાત માનીએ તો હાલમાં આ મામલે ઝીણવટભરી તપાસ ચાલી રહી છે. આ સાથે તેમણે કહ્યું કે અમે સુનિશ્ચિત કરીશું કે તમામ ગુનેગારો સામે કડક કાર્યવાહી કરવામાં આવે. જેમાં મૃત્યુદંડની શક્યતા પર પણ વિચાર કરવામાં આવશે. દરમિયાન, મણિપુર પોલીસે પણ એક નિવેદન જારી કરીને કહ્યું હતું કે, “મહિલાઓના નગ્ન પરેડના વાયરલ વીડિયોના સંદર્ભમાં, પોલીસ ગુનેગારોને વહેલી તકે પકડવાના તમામ શક્ય પ્રયાસો કરી રહી છે.”
