ભારતે અફઘાનિસ્તાનનો ફરી પેંચ કાપ્યો! રોહિત શર્માની ઢીલ, પણ જયસ્વાલે તોફાની રીતે ખેંચી પારી, જડી ફિફ્ટી

• અફઘાનિસ્તાન સામેની બીજી મેચમાં ટીમ ઇન્ડિયાએ જબરદસ્ત જીત હાંસલ કરી
• ટીમ ઇન્ડિયાનો 6 વિકેટે વિજય

અફઘાનિસ્તાન સામેની શ્રેણીમા ભારતનો વધુ એક શાનદાર વિજય થયો છે. આજે ટીમ ઇન્ડિયા અને અફઘાનિસ્તાન વચ્ચે ક્રિકેટનો જંગ ખેલાયો હતો. જેમા ટીમ ઇન્ડિયાએ બાજી મારી જીત પોતાને નામ કરી છે. પ્રથમ બેટિંગમાં અફઘાનિસ્તાને તમામ વિકેટના ભોગે 172 રન બનાવ્યા હતા. જેના જવાબમાં ઉતરેલ ટીમ ઇન્ડિયા જીત માટે સફળ થઈ છે. ટીમ ઇન્ડિયાએ 6 વિકેટે વિજય હાંસલ કરી મેચની સમાપ્તિ કરી છે.ભારતે ત્રણ મેચની શ્રેણીમાં 2-0ની સરસાઈ મેળવી લીધી છે.

રોહિત શર્મા સસ્તામાં આઉટ થઈ જતા ચાહકો નારાજ થયા હતા. રોહિત પ્રથમ ઓવરના ચોથા બોલ પર આઉટ થયો હતો અને આ સાથે જ ભારતની પ્રથમ વિકેટ પડી હતી. ફારૂકીની બોલિંગમાં મોટો શોટ રમવાના પ્રયાસ દરમિયાન તે બોલ્ડ થયો હતો. જ્યારે કોહલીના રૂપમાં ટીમ ઇન્ડિયાને બીજો ફટકો પડ્યો હતો. નવીને તેને છઠ્ઠી ઓવરના ત્રીજા બોલ પર કેચ આઉટ કર્યો હતો.