ચૈતર વસાવા પર વનવિભાગના કર્મચારીઓને ધમકાવવાના આરોપનો સમગ્ર મામલો શું છે?

આ સમગ્ર મામલે રાજકારણ પણ ગરમ થયું છે. આમ આદમી પાર્ટીએ ભાજપ પર ચૈતર વસાવા સામે ખોટો કેસ કરાયા હોવાનો આક્ષેપ કર્યો છે.

આપે ભાજપ પર ચૈતર વસાવાને પરેશાન કરવાનો પણ આક્ષેપ કરવામાં આવ્યો છે.

આમ આદમી પાર્ટીના ગુજરાત પ્રદેશ પ્રમુખ ઈસુદાન ગઢવીએ મીડિયાને જણાવ્યું હતું કે “આમ આદમી પાર્ટીના ધારાસભ્ય અને આદિવાસી સમાજના મોટા નેતા ચૈતર વસાવા પર અને તેમનાં પત્ની પર ભાજપે ખોટા કેસ કરાવ્યો અને તેમને પરેશાન કરવામાં આવી રહ્યા છે.”

તેમણે કહ્યું કે ચૈતર વસાવા સામે થયેલી ફરિયાદના વિરોધમાં આમ આદમી પાર્ટીના હજારો આગેવાનો અને આદિવાસી સમાજના આગેવાનો ભેગા થવાના હતા પરંતુ મંજૂરી મળી નહોતી.

ઈસુદાન ગઢવીએ કહ્યું કે, “લોકશાહીમાં ધરણાં, પ્રદર્શન અને વિરોધ કરવાનો લોકોનો અધિકાર છે અને અંગ્રેજોના સમયમાં પણ આ અધિકાર મળતો હતો.”

તેઓ વધુમાં જણાવ્યું હતું કે “નકલી આઈપીએસ, પીએમઓ અને સીએમઓ અધિકારીઓ પકડાય છે. રાજ્યમાં ક્રાઇમ રેટ વધી રહ્યો છે. કારણ કે, પોલીસ વિભાગ વિપક્ષના કાર્યક્રમોને રોકવામાં જ લાગેલો હોય છે.”

“આ ગેરકાયદેસર રીતે જમીન ખેડનાર પણ આદિવાસી છે તેમજ તેમની રક્ષણ કરનાર વનકર્મીઓ પણ આદિવાસી છે. જેથી આ મુદ્દો આદિવાસી અને બિનઆદિવાસીનો નથી પરંતુ જંગલ બચાવવાનો છે.”

મનસુખ વસાવાએ કહ્યું, “ચૈતર વસાવા દ્વારા આદિવાસીઓને ગેરમાર્ગે દોરવામાં આવી રહ્યા છે કે, સરકાર અને ભારતીય જનતા પક્ષ (ભાજપ) આદિવાસી વિરોધી છે, પરંતુ એવું જરાય નથી. પરંતુ જેણે ગુનો કર્યો છે તેની સામે કાયદેસર કાર્યવાહી થાય.”

“જંગલ બચાવવાં જરૂરી છે. વન છે તો માનવ જીવન અસ્તિત્વમાં છે. જો જંગલો કાપી નાખવામાં આવશે, તો આદિવાસીનું અસ્તિત્વ જોખમમાં આવશે. આદિવાસી સંગઠનો દ્વારા આદિવાસીઓના હક માટે લડવું જોઈએ, પરંતુ સાચી વાત સાથે ઊભા રહેવું જોઈએ.”

ભરૂચના સાંસદ મનસુખ વસાવાએ સામે વિપક્ષ પર આ મામલે પોતાના રાજકીય સ્વાર્થ માટે આદિવાસીઓની લાગણીઓનો ગેરલાભ લેવાનો આરોપ લગાવ્યો છે.

તેમણે આદિવાસી સમાજને આ મામલે વિરોધપ્રદર્શનથી દૂર રહેવા અને વનવિભાગના કર્મચારીઓને ન્યાય મળે તે માટા સમર્થન કરવાનું આહ્વાન કર્યું.

મનસુખ વસાવાએ સોશિયલ મીડિયાના માધ્યમથી જણાવ્યું હતું કે, “આમ આદમી પાર્ટીના ધારાસભ્ય ચૈતર વસાવા દ્વારા સતત આદિવાસી સમાજને ગેરમાર્ગે દોરવામાં આવી રહ્યો છે.”