જિલ્લા રજિસ્ટ્રર કચેરી દ્વારા વઘઇ તાલુકાની બે દૂધ ઉત્પાદક સહકારી મંડળીઓની નોંધણી રદ્દ કરવામાં આવી છે. મદદનીશ જિલ્લા રજીસ્ટ્રાર વી.એન. માવાણીએ જણાવ્યું કે, ભૂજાડ દૂધ ઉત્પાદક સહકારી મંડળી લિમિટેડ (નોંધણી નંબર 44796) અને બોડારમાળ દૂધ ઉત્પાદક સહકારી મંડળી લિમિટેડ (નોંધણી નંબર 37988)ને ફડચામાં લઈ જવાનો અંતિમ હુકમ જારી કર્યા બાદ તેમની નોંધણી રદ્દ થઈ છે.
ફડચા અધિકારીએ આ મંડળીઓ સામેની કાર્યવાહી પૂર્ણ કરી હોવાનું જણાવ્યું છે. મંડળીઓના સંચાલકોને આ નિર્ણયની નોંધ લેવા અને સંબંધિત પ્રક્રિયા અનુસરવા સૂચના આપવામાં આવી છે.
આ બંને મંડળીઓ મહિલા સંચાલિત હોવાથી આ નિર્ણયથી સ્થાનિક સ્તરે ચર્ચા શરૂ થઈ છે. રજિસ્ટ્રાર કચેરીએ નોંધણી રદ્દ કરવાનાં કારણો વિશે વિગતવાર જાહેરાત ન કરતાં, ફક્ત ફડચા પ્રક્રિયા પૂર્ણ થયેલી હોવાનું સ્પષ્ટ કર્યું છે.
સ્થાનિક લોકો અને સહકારી ક્ષેત્રના નેતાઓ આ નિર્ણય પર પ્રતિક્રિયા આપે છે અને સરકારી અધિકારીઓથી વધુ સ્પષ્ટતા માંગી રહ્યા છે.
