21મી ઑગસ્ટ 2024ના રોજ ભારત બંધના એલાનને અનુસરીને નવસારી જિલ્લામાં મિશ્ર પ્રતિસાદ જોવા મળ્યો છે. આંદોલન અને વિરોધના આહવાન પછી, જિલ્લાની વિવિધ વિસ્તારોમાં બજારો અને દુકાનોના કાર્ય પર અલગ-અલગ અસર જોવા મળી છે. નવસારી શહેરમાં, ભારત બંધનો પ્રભાવ લગભગ નબળો રહ્યો છે. શહેરના મુખ્ય બજારો અને દુકાનો સામાન્ય રીતે ખુલ્લી રહી છે, રોજિંદા જીવનમાં કોઈ રાબેતા મુજબ રહ્યું છે,અત્યાર સુધી કોઈ પણ પ્રકારના વિરોધના બનાવની નોંધ લેવામાં આવી નથી.
આદિવાસી વિસ્તારોમાં ભારત બંધને મિશ્ર પ્રતિસાદ
જ્યારે નવસારી, જલાલપોર અને ગણદેવી જેવા વિસ્તારોમાં બંધની અસર સામાન્ય જોવા મળી ન હતી, ત્યારે આદિવાસી વિસ્તાર જેવા ચીખલી, ખેરગામ, અને વાંસદા જેવા તાલુકાઓમાં બંધનો પ્રભાવ વધુ પડ્યો હતો.
ખેરગામ તાલુકામાં કેવી છે સ્થિતિ?
ખેરગામના મુખ્ય મથક, ખેરગામ ટાઉનમાં, બજારો સંપૂર્ણપણે બંધ રહી હતી. વેપારીઓ અને દુકાનદારોએ પોતાની દુકાનો બંધ રાખી, ભારત બંધના એલાનને સમર્થન આપ્યું હતું.
આદિવાસી વિસ્તાર વાંસદા તાલુકા કેવી છે બંધની અસર?
વાંસદા ટાઉનમાં પણ બંધને મિશ્ર પ્રતિસાદ મળ્યો. અહીંના કેટલાક વિસ્તારોમાં દુકાનો અને બજારો બંધ રહ્યા, જ્યારે અન્ય વિસ્તારોમાં સામાન્ય રીતે ચાલુ રહ્યું. તો કોંગ્રેસ ના અનંત પટેલના આક્ષેપ છે કે ભાજપના કાર્યકરો દ્વારા દુકાન ખોલવવામાં આવી રહી છે.
જિલ્લા પોલીસની સતર્કતા અને પેટ્રોલિંગ
ભારત બંધના એલાનને ધ્યાનમાં રાખીને, જિલ્લા પોલીસ પણ સંપૂર્ણ રીતે સતર્ક બની છે.પોલીસ પેટ્રોલિંગ સાથેના પ્રયાસો દ્વારા જિલ્લા ભરના વિવિધ વિસ્તારોમાં શાંતિ જાળવવામાં આવી હતી. જ્યારે નવસારી શહેર અને આસપાસના વિસ્તારોમાં લોકો રોડ પર ઉતર્યા નથી. આદિવાસી વિસ્તારોમાં પોલીસની વધુ સતર્કતા જાળવવામાં આવી છે.
આદિવાસી સમાજનો વિરોધ
આદિવાસી સમાજના સભ્યો આજે નવસારીમાં જિલ્લા કલેકટરને આવેદનપત્ર આપીને પોતાનો વિરોધ નોંધાવશે. તેઓ ભારત બંધને સમર્થન આપે છે અને તેમના વિશિષ્ટ મુદ્દાઓ પર સરકારના ધ્યાન દોરવાની માંગ છે.આ રીતે, નવસારી જિલ્લામાં ભારત બંધને મિશ્ર પ્રતિસાદ મળ્યો છે. શહેરમાં બંધનો અસર ખાસ જોવા મળી નથી, પરંતુ આદિવાસી વિસ્તારોમાં બંધનું પ્રભાવ વધુ હતો. જો કે, જિલ્લા પોલીસની સતર્કતા અને સ્થાનિક લોકોએ શાંતિ જાળવી રાખી છે,
વાંસદાના કોંગ્રેસી ધારાસભ્ય અનંત પટેલ સાથે વાત કરતા તેમણે જણાવ્યું કે, હાલ હું તો ગાંધીનગર છું પરંતુ વાંસદા સહિતના વિસ્તારોમાં મિશ્ર પ્રતિસાદ જોવા મળ્યો છે અમારા કાર્યો કરે કે આદિવાસી સમાજના આગેવાનો કોઈ કાર્યક્રમ કરવાના નથી.
