ગુજરાતમાં એક દુલ્હનના અપહરણનો ચોંકાવનારો કિસ્સો સામે આવ્યો છે. આ બનાવ દાહોદ જિલ્લાનો છે, મામલાની જાણ થતાં જ અપહરણનો કેસ નોંધીને કાર્યવાહી હાથ ધરી છે.
ગુજરાતમાં એક દુલ્હનના અપહરણનો ચોંકાવનારો કિસ્સો સામે આવ્યો છે. આ બનાવ દાહોદ જિલ્લાનો છે, મામલાની જાણ થતાં જ અપહરણનો કેસ નોંધીને કાર્યવાહી હાથ ધરી છે. સમગ્ર મામલે પોલીસ એક્શનમાં આવી અને અત્યાર સુધીમાં 2 આરોપીને ઝડપી લીધા છે. મધ્યપ્રદેશના ઝાબુઆથી પરત આવતી જાનમાંથી દુલ્હનના અપહરણની ઘટના સામે આવી હતી.
20 થી વધુ લોકોએ વરરાજાની ગાડી રોકી
દુલ્હનને બાઈક પર બેસાડીને તેનું અપહરણ
દાહોદના DySp જગદીશ ભંડારીએ મીડિયાને જાણકારી આપતા જણાવ્યું કે, ગઈકાલે દાહોદના ગ્રામ્ય વિસ્તારમાં ભાટીવાડા ગામથી જાલાપાડા ગામમાં એક જાન ગઈ હતી. જાન જ્યારે પરણીને પરત આવી રહી હતી. તે દરમિયાન નવાગામ ચાર રસ્તા પાસે કેટલાક બાઈક સવારોએ વરરાજાની ગાડીને આંતરી લીધી હતી. જે બાદ દુલ્હનને બાઈક પર બેસાડીને તેનું અપહરણ કર્યું હતું. આ મામલે વરરાજાના પરિવાર તરફથી નામજોગ 4 લોકો તેમજ અન્ય લોકો વિરૂદ્ધ ફરિયાદ નોંધાવી હતી. જેથી પોલીસની વિવિધ ટીમોએ આરોપીની શોધખોળ હાથ ધરી હતી. તેમજ શંકમંદોની પૂછપરછ હાથ ધરી હતી. જેથી તમામ લોકોના નામ પોલીસને મળી આવ્યાં છે. આ પૈકી બે આરોપીને રાઉન્ડઅપ કરવામાં આવ્યાં છે. જે આરોપીઓ છે તે મધ્યપ્રદેશના છે.
