માંડવી તાલુકામાં છેલ્લા ચોવીસ કલાકમાં પડેલા વરસાદના કારણે માર્ગ અને મકાન વિભાગના પંચાયત હસ્તકના માંડવી તાલુકાના છ જેટલા કોઝવે પર પાણીના ઓવરટોપીંગના કારણે સુરક્ષાના કારણોસર રસ્તાઓ બંધ કરાયા છે. જેમાં વરેહ ખાડી પર આવેલ દેવગઢ લુહારવડ રોડ, કોલખડી, અંધારવાડી લીમ્ધા રોડ, મોરીઠા કાલિબેલ રેગામ રોડ, ગોડસંબા કરવલ્લી ટીટોઈ સાલૈયા વલારગઢ રોડ, લોકલ ખાડી અને વાવ્યા ખાડી પરના ઉશ્કેર મુંજલાવ બૌધાન રોડના બે રસ્તાઓ મળી કુલ આઠ રસ્તાઓ બંધ કરવામાં આવ્યા છે. જેના વિકલ્પ તરીકે ગ્રામજનો વૈકલ્પિક રસ્તાઓ ઉપયોગ કરી શકશે એવી જાહેરાત કરવામાં આવી છે.
