ઉમરપાડા તાલુકાના બલાલ કુવા ગામની રેખા વસાવાએ કઝાકિસ્તાનમા યોજાયેલી 11મી વર્લ્ડ સ્ટ્રેન્થ લિફ્ટિંગ સ્પર્ધામાં વર્લ્ડ રેકોર્ડ તોડી ગોલ્ડ મેડલ સિલ્વર મેડલ પ્રાપ્ત કરી ભારત દેશ અને ગુજરાત પોલીસનું નામ રોશન કર્યું હતું.
તાજેતરમાં પૂર્વ કઝાકિસ્તાન ક્ષેત્રની રમત વેટરન્સ કાઉન્સિલ અને PA પૂર્વ કઝાકિસ્તાન સ્ટ્રેન્થલિફ્ટિંગ ફેડરેશન દ્વારા ઝેકપે ઝેક પેલેસ, ઉસ્ટ-કેમેનોગોર્સ્ક, કઝાકિસ્તાન ખાતે 11મી વર્લ્ડ સ્ટ્રેન્થ લિફ્ટિંગ ચેમ્પિયનશિપ 2024 યોજાઇ હતી. જેમાં સુરત જિલ્લાના છેવાડે આવેલા ઉંમરપાડા તાલુકાના બલાલ કુવા ગામના એક આદિવાસી પરિવારમાં જન્મેલા રેખાબેન દિલીપભાઈ વસાવા તેઓ હાલ ગુજરાત પોલીસ સુરત શહેરમાં ફરજ બજાવે છે. તેમણે ભારતના પ્રતિનિધિ તરીકે સ્પર્ધામાં ભાગ લીધો હતો. તેમણે વેઇટ કેટેગરી 80+1માં -ટુ હેન્ડલ કરલ 65 કિલો ગ્રામ અને ટોટલ 300 કિલોમાં ગોલ્ડ મેડલ અને બેચમાં સિલ્વર મેડલ મેળવી વિશ્વ કક્ષાએ રેકોર્ડ તોડી ભારત દેશ અને ગુજરાત પોલીસનું નામ રોશન કર્યું છે.
સાથે સુરત શહેર પોલીસમાં ગૌરવવંતી સિદ્ધિ મેળવવા બદલ આનંદની લાગણી આપી ગઈ છે. સુરત શહેર પોલીસ કમિશનર અનુપમ ગહેલોત દ્વારા રેખાબેન વસાવાને અભિનંદન આપવામાં આવ્યા હતા. સાથે વિશ્વ કક્ષાએ ગુજરાતના આદિવાસી સમાજનું નામ રોશન કરતા વતન ઉમરપાડા તાલુકાના આદિવાસી સમાજ સહિત સમગ્ર આદિવાસી સમાજમાં આનંદની લાગણી વ્યાપી ગઈ છે. ઠેર ઠેરથી રેખાબેન વસાવા પર અભિનંદનની વર્ષા થઈ રહી છે.
