મહુવા તાલુકા પંચાયતમાં ફરી એકવાર ચકચારી મચાવનારી ઘટના સામે આવી છે. તાલુકા પંચાયતના સભ્ય પરિમલ પટેલે તાલુકા વિકાસ અધિકારી (TDO)ને બીજી વખત માર માર્યો છે. આ ઘટના બપોરના સમયે TDOની ઓફિસમાં બની હતી, જ્યાં પરિમલ પટેલે TDOને અપશબ્દો કહ્યા અને શારીરિક હુમલો કર્યો હતો.
ઘટના દરમિયાન પરિમલ પટેલે TDOનો શર્ટ ફાડી નાખ્યો અને ઢીકામુક્કી કરી હતી. આ પહેલા પણ નવેમ્બર માસમાં પરિમલ પટેલે TDO પર હુમલો કર્યો હતો. મહત્વપૂર્ણ નોંધ એ છે કે ઘટના સમયે કચેરીના CCTV કેમેરા બંધ હાલતમાં હતા.
TDOએ મહુવા પોલીસ સ્ટેશનમાં ફરિયાદ નોંધાવી છે, જેના આધારે પોલીસે પરિમલ પટેલ વિરુદ્ધ ગુનો દાખલ કર્યો છે. હાલમાં આરોપી પરિમલ પટેલ પોલીસ પકડથી દૂર છે અને પોલીસે તેમની ધરપકડ માટે કાર્યવાહી શરૂ કરી છે. આ ઘટનાએ સરકારી અધિકારીઓની સુરક્ષા અંગે ગંભીર પ્રશ્નો ઉભા કર્યા છે.
