અમેરિકામાં રાષ્ટ્રપતિની ચૂંટણી એક્ઝિટ પોલ

એક્ઝિટ પોલ અનુસાર, લોકશાહી અને અર્થતંત્ર મતદારોને પ્રભાવિત કરતા મુખ્ય મુદ્દાઓ તરીકે ઉભરી આવ્યા છે. દેશભરમાં લગભગ 73 ટકા મતદારોએ ચિંતા વ્યક્ત કરી કે અમેરિકામાં લોકશાહી જોખમમાં છે, જ્યારે 25 ટકા માને છે કે તે સુરક્ષિત છે.

અમેરિકામાં રાષ્ટ્રપતિની ચૂંટણી માટે મતદાન વચ્ચે પ્રથમ એક્ઝિટ પોલ સામે આવ્યો છે. ચૂંટણીના આ એક્ઝિટ પોલમાં ડેમોક્રેટિક ઉમેદવાર કમલા હેરિસ રિપબ્લિકન ડોનાલ્ડ ટ્રમ્પ કરતા આગળ હોવાનું દર્શાવવામાં આવ્યું. 44 ટકા મતદારો ટ્રમ્પને અનુકૂળ માને છે, જ્યારે હેરિસને 49 ટકા સમર્થન મળ્યું. જો કે, બંનેને 2020 ની તુલનામાં સહેજ વધુ પ્રતિકૂળ રેટિંગનો સામનો કરવો પડ્યો.

એડિસન રિસર્ચના એક્ઝિટ પોલ્સ અનુસાર, જ્યારે સંપૂર્ણ ચિત્ર હજુ પણ ઉભરીને સામે આવી રહ્યું છે, ત્યારે દેશભરના 44 ટકા મતદારો ટ્રમ્પને સમર્થન કરતા દેખાઈ રહ્યા છે, જે 2020ના એક્ઝિટ પોલમાં 46 ટકાથી થોડા ઓછા છે. દરમિયાન, એક અહેવાલ મુજબ, 54 ટકા તેની વિરુદ્ધ છે, જે 2020 માં 52 ટકાથી વધુ છે.

કમલા હેરિસના વિરુદ્ધ 50 ટકા મતદારો

કમલા હેરિસ માટે, 48 ટકા મતદારોએ કહ્યું કે તેઓ તેમને અનુકૂળ રીતે જુએ છે, જ્યારે 52 ટકાએ 2020 એક્ઝિટ પોલમાં બાઇડન વિશે સમાન અભિપ્રાય આપ્યો હતો. 50 ટકા મતદારોએ હેરિસના વિરોધમાં મંતવ્ય આપ્યું, જ્યારે 46 ટકા લોકોએ 2020માં બાઇડન માટે નકારાત્મક અભિપ્રાય વ્યક્ત કર્યો હતો.

રાષ્ટ્રપતિની ચૂંટણીના મુખ્ય મુદ્દાઓ

એક્ઝિટ પોલ્સ અનુસાર, લોકશાહી અને અર્થતંત્ર મતદારોને પ્રભાવિત કરતા મુખ્ય મુદ્દાઓ તરીકે ઉભરી આવ્યા. દેશભરમાં લગભગ 73 ટકા મતદારોએ ચિંતા વ્યક્ત કરી કે અમેરિકામાં લોકશાહી જોખમમાં છે, જ્યારે 25 ટકા માને છે કે તે સુરક્ષિત છે.

અર્થવ્યવસ્થા સૌથી મોટો મુદ્દો

31 ટકા મતદારો માટે અર્થવ્યવસ્થા સૌથી મહત્ત્વનો મુદ્દો હતો, જ્યારે 11 ટકાએ ઇમિગ્રેશનને પ્રાથમિકતા આપી, 14 ટકાએ ગર્ભપાત પર ધ્યાન કેન્દ્રિત કર્યું, 35 ટકા લોકોએ લોકશાહીની સ્થિતિનો ઉલ્લેખ કર્યો અને 4 ટકા લોકોએ વિદેશ નીતિને ટોચનો મુદ્દો ગણાવ્યો હતો.

નાણાકીય સ્થિતિ ખર્રાબ

દેશભરના ઓછામાં ઓછા 45 ટકા મતદારોએ જણાવ્યું કે તેમના પરિવારની આર્થિક સ્થિતિ ચાર વર્ષ પહેલાં કરતાં વધુ ખરાબ છે, જ્યારે 2020ના એક્ઝિટ પોલમાં માત્ર 20 ટકાએ કહ્યું હતું. લગભગ 24 ટકા લોકોએ કહ્યું કે તેઓ ચાર વર્ષ પહેલાંની સરખામણીમાં નાણાકીય રીતે વધુ સારા છે, જે 2020માં 41 ટકાથી ઓછું છે.

ટ્રમ્પમાં વ્યક્ત કર્યો વિશ્વાસ

30 ટકા માટે, તેમની નાણાકીય સ્થિતિમાં કોઈ ફેરફાર થયો નથી. દરમિયાન, દેશભરમાં 51 ટકા મતદારોએ અર્થવ્યવસ્થાને સંભાળવા માટે ટ્રમ્પમાં વધુ વિશ્વાસ વ્યક્ત કર્યો, જ્યારે 47 ટકાએ કહ્યું કે તેમને હેરિસમાં વધુ વિશ્વાસ છે.